Die Omgewing

Arlanc is geleë in 'n vallei in die hartjie van die Parc Naturel Régional Livradois-Forez, en word beskerm deur die Forez- en Livradois-berge, en die plato van La Chaise-Dieu. Drie riviere vind hulle weg deur die dorp. Dit is amper asof die inwoners eendag moes vergader het om name te vind vir die riviere en, bang dat hulle nie drie verskillende name sal onthou nie, die riviere Dore, Dorette and Dolore gedoop het. Die name van die eindelose stroompies wat in die riviere invloei, is egter aan die verbeelding oorgelaat.

Sewe uit die tien kerke in die onmiddelike omgewing van Arlanc dateer uit die 12^de eeu.

Twee minute se stap bring 'n mens by die pragtige Eglise St. Pierre wat dateer uit die 12^de eeu. 'n Paar minute verder is die Musée de la Dentelle (kantmuseum) en die unieke Jardin pour la Terre, 'n reusagtige tuin uitgelê volgens 'n antieke wêreldkaart.

By die kantmuseum kan die ou kuns van klos-kant herontdek word.

Op 'n reis om die wêreld in die Jardin pour la Terre sal u verskillende inheemse plante van elke land in die wêreld ontdek. 

Dag-ekskursies kan onderneem word na Ambert om die Moulin Richard de Bas te besoek, waar papier nog steeds op dieselfde manier met die hand gemaak word as eeue gelede, of die Musée de la Fourme d'Ambert, opgedra aan die vervaardiging van die uitstekende plaaslike kaas; die katedraal in La Chaise-Dieu waar 'n jaarlikse internasionale klassieke musiekfees gehou word aan die einde van Augustus, sy ego-saal en tapisserieë wat dateer uit die Middeleeue; Le Puy-en-Velay met sy merkwaardige vulkaniese rotsformasies, elkeen met of 'n groot beeld of 'n kerk bo-op; of Vichy bekend vir sy spa's en water; St. Nectaire met sy kerk en ook kaas met dieselfde naam; of Thiers waar die hoogste gehalte messegoed gemaak word die afgelope 5 eeue; of Cheyrac om die tuin, Le Jardin des Nielles, te besoek waar plante gekweek word vir die vervaardiging van essensiële olies.

DOLORE - Die Dore en die Dolore kruis deur Arlanc voordat hulle verder inmekaar vloei. "Ar-len" beteken "tussen twee riviere" in pre-Gallies.

PAPIER - Die knoppies aan die linkerkant en die agtergrondprentjies is detail van handgemaakte papier van die Moulin Richard de Bas wat ook daar te koop is.

MEER FOTO'S

Die kersielaning in ons tuin	Die oorsprong van die Dore
Gotiese brug naby Marsac-en-Livradois	Panorama-uitsig op  St. Saveur-la-Sagne
"Sampioene in ons woude? Rêrig?"	Majestueuse Cèpe

Bergstroompie naby die kapel van Ste. Elidie