Ma Cachette-gastehuis is geleë in die hartjie van Frankryk, in die Parc Naturel Régional Livradois-Forez in die Auvergne.
Benewens die asemrowende natuurskoon, is daar talle interessante besienswaardighede, staproetes in die berge, wilde sampioene in die woude wanneer die seisoen dit toelaat, heelwat internasionale kulturele feeste in die somer en ski-aktiwiteite in die winter.
Vir die minder avontuurlustiges is Ma Cachette 'n ideale skuilplek met 'n private tuin en die sitkamer en TV-kamer tot die beskikking van die gaste.
Kliek op die knoppies bo en onder van die bladsy om na die kamers te kyk, die omgewing te verken, uself te verlustig in die voorbeelde van spyskaarte wat voorgesit word vir aandetes en beplan u besoek met die vele skakels wat ons gevestig het.
Besprekings en navrae oor beskikbaarheid van kamers kan ook gedoen word met ons besprekingsvorm.
Neem u tyd om te kyk wat ons bied en laat ons asseblief weet wat ons kan doen om die webwerf te verbeter en natuurlik ook om u toekomstige besoek aan Ma Cachette onvergeetlik te maak.
Groetnis
U gashere
Johan, Pierre en Fritz ( le kat )
ONS BIED NOU GRATIS Wi-Fi INTERNET TOEGANG AAN VIR ONS GASTE
Kamers - Huis & Tuin - Omgewing - Maaltye
Skakels - Tariewe - Ligging - Bespreking
Français - English - Hoof Tuisblad
